|
СПЕВЫ НА АДВЕНТ
84. Conditor alme siderum
1. Conditor alme siderum, / aeterna lux credentium, / Christe redemptor omnium, / exaudi preces supplicum. Amen. 2. Qui condolens interitu / mortis perire saeculum, / salvasti 3. mundum languidum, / donans reis remediurn, 3. Vergente mundi vespere, / uti sponsus de thalamo, / egressus honestissima / Virginis matris clausula. 4. Cuius forti potentiae / genu curvantur omnia; / caelestia, terrestria / nutu fatentur subdita. 5.Te, Sancte, fide quaesumus, / venture iudex saeculi, / conserva nos in tempore / hostis a telo perfidi. 6. Sit, Christe, rex piissime, / tibi Patrique gloria / cum Spiritu Paraclito, / in sempiterna saecula. Amen.
O, жыватворны Творца зор
1. O, жыватворны Творца зор, / святло жыцця і наш узор, / о, Адкупіцель усёй зямлі, / малітвы нашы Ты прымі. Амэн 2. Ты спачуваў, што згіне век / і смерць спазнае чалавек. / Знямоглы свет збаўляеш Ты, / нас апраўдаеш назаўжды. 3. Хіліўся свет у вячэрні час, / Ты як жаніх прыйшоў да нас / з улоння Дзевы! Слава Ёй, / Марыі, Маці дарагой. 4. Прад моцай Божай ты схілі / свае калені і малі. / Зямля і неба хай пяюць, / прарочаць і пашану шлюць. 5. Цябе, Святога, з вераю / мы просім у будні шэрыя, / Суддзя народаў, збаў жа нас / ад зброі д'ябла ў страшны час. 6. Няхай Табе, наш Хрыстус Бог, / з Айцом і Духам, што ў трох, / ад нас, год колькі будзем жыць, / хвала вячыстая гучыць.
85. Звеставанне
1. Бог не шле да Панны простага анёла,/ а нябёсаў веліч — Князя арханёла: /ласка для народу. Хай жа Габрыэля / шле і ў нашай справе, каб Хрыста з'яўленнем / знішчыў Бог бязпраўе з ласкі Дзевы плоду. 2. Усім стварэнням радзіць Бог хвалы бясконцай, / спраўна валадарыць, свеціць нам, як сонца, / зло з зямлі знішчае. / Ганарліўцаў пыху, злыя думкі зрыне, / і Яго ніводзін у славе не абміне, / бо сіл не хапае. 3. I няхай з пасадаў Ён князёў здымае: / Маці Бога-Сына да хвалы ўзвышае / і на трон саджае. / Ты, Пасол Нябесны з божымі дарамі, / адчыні засовы, што ўжо прад вякамі / Бог для нас трымае. 4. Прыступі са словам: "Будзь жа прывітана, / ласкі поўна, з Богам злучаная Панна". / I скажы: "He бойся! / Ты прымі скарб гэты, захавай аддана, / у якім план Божы будзе дараваны / ў чалавечым лёсе". 5. Выслухала Панна, прыняла маўкліва, / верыць стала слову і пачала Сына, / Уладара Магуццяў. / Моцным Ён дарадцам стане для народу / прад пасадам Бога чалавеку з роду / ў справах і пачуццях. 6. Бог няхай нам дорыць ласку прабачэння / і грахі змывае, нам дае збаўленне / праз святыя справы. / Ты прасі, Марыя, за людзей у Сына, / каб дазволіў быць нам у вечнае Айчыне, / просім мы ласкава. 86. Езу маленькі
1. Езу маленькі, прагна чакаю,/ з верай гляджу ў нябёс сіняву. Свет паднябесны / Бога гукае, сэрцам сваім я Збаўцу заву./ Па Табе сумуюць людзі, о прыйдзі, суцеш і нас. Мы любіць Цябе ўсе будзем,/ о, прыйдзі настаў Твой час. 2. Дзева Марыя, мы Твае дзеці, / Ты — наша Маці на кожны дзень. / Ты нам як ясна сонейка свеціш, / нашых грахоў знішчаючы цень. / За свае грахі цяжкія / мы ў скрусе, і таму / просім Збаўцу, о Марыя! / Сэрцы аддаем Яму!
87. Праз грэх Адама
1. Праз грэх Адама людзі ў цярпенні, / рай зачыніўся, надышлі мучэнні. / Дай дождж, о неба, на зямныя нівы-/ з ясных аблокаў сыдзе Справядлівы. 2. У цемры плача чалавек самотны. / Дык хто ж направіць гэты лёс гаротны? / Ды вось нарэшце так людзьмі чакана / Зорка заззяла — без заганы Панна. 3. Яе пакора, чысціня і сціпласць / у Бога-Творцы распаліла міласць. / Збаўцу Святога прыняла ва ўлонне / веліч Якога і свет не агорне. 4. Нашых у гэтым не было заслугаў, / што так бясконца палюбіў Бог слугаў. / Цела людзкое пажадаў прыняці, / нас мець братамі, Сынам быць у Маці. 5. Падзякуй Пану шчыра, о люд верны, / бо нас наведаў і быў міласэрны. / Рукі ўзнясіце і хвалу ўсклікайце, / вечнага Бога ў Тройцы праслаўляйце. 88 .О, Збаўца
1. О, Збаўца, неба разарві, сыйдзі да нас Ты з вышыні, знішчы нябесныя замкі і з намі будзь ва ўсе вякі. 2. О, Божа, з неба злі расу, каб Збаўцы бачыць нам красу. Воблакі, плачце вы дажджом на Пана праз Якубаў дом. 3. Гара з далінаю квітней, зямля наўкола зеляней, нам гэту кветку райску дай. О, Збаўца, Ты з зямлі ўзрастай. 4. Дзе Суцяшэнне наша ёсць, наша Надзея, мілы Госць? З залі высокай узглянь, мы тут, суцеш у даліне слёз, пакут. 5. Прыгожа Зорка, Сонца Ты, жадаем быць з Табой заўжды. Шлях нам у цемры асвяці, ласкаў праменнем зіхаці! 6. Сярод нядолі мы й пакут, смерць прад вачыма злая тут. Нас Ты вядзі Сваёй рукой у вечны нябесны супакой
89. Збаўца свету, завітай
1. Збаўца свету, завітай,/ нам з'яўленне бачыць дай./ Хай жа дзівіцца зямля / прыйсцю Божага Дзіця. 2. I не з семя мужа там, / а праз сілу Духа Пан / з Слова Целам стаць хацеў — / плод улоння заквітнеў. 3. Панна носіць ужо Дзіця, / захавана й чысціня. / Увысь штандары перамог, / у святыні Госпад Бог. 4. Хай з пакою выйдзе Той, / з каралеўскай чысцінёй / Волат праўды ў вяках, / каб пачаць свой збаўчы шлях. Роўны Ты Айцу Свайму, / Творцу Богу аднаму. Целы нашы ўмацуй / і збаўленне нам даруй. 5. Ззяюць яслі ўжо Твае, / неба новы свет нам шле. / Хай не гасне ўноч і ўдзень / веры нашае прамень. Хрысце, свету Валадар, / Дух, што ласкі шле нам дар, / і Табе, Айцец Святы, / хай хвала гучыць заўжды. 90. Творца зор і ўсіх свяцілаў
1. Творца зор і ўсіх свяцілаў,/ свет справечны, верных сіла! / Хрысце, адкупіцель мілы / просьбы выслухай чулліва. О Творца, о Творца, о Творца. 2. Спачуваючы няшчасным, / што загінуць могуць з часам, / свет знямоглы Ты збаўляеш, / на судзе нас апраўдаеш. 3. Свет да вечару хіліўся / як жаніх Ты нам з'явіўся: / выйшаў з лона Дзевы-Маці / Ты ў вобразе дзіцяці. 4. Прад магутнай моцай Божай / схіліць голаў вернік кожны. / Неба і зямлі стварэнні / хай прарочаць у натхненні. 5. Просім мы Цябе, Святога, / захавай нас ад ліхога. / Ты суддзёю будзеш людзям, / пад Тваёй апекай будзем. 6. Хай Табе, наш Хрысце мілы, / Валадару справядлівы, / і Айцу і Духу-Творцу / хай хвала гучыць бясконца.
91. Божа вечны
1. Божа вечны, літасцівы, / Адкупіцель наш праўдзівы, / выслухай голас тужлівы. 2. Ты знаходзішся ў вышынях, / можа літасць Ты учыніш — / у нашыя сыдзеш глыбіні. 3. О, нябесныя вы горы, / з нас расою змыйце гора / і грэху знішчыце мора. 4. Хай жа хмары дождж праліюць / і шляхі да нас адкрыюць / Боскаму Збаўцы-Месіі. 5. О, наш Божа міласэрны, / Ты прыйдзі ў мой свет мізэрны. / Цябе чакае люд верны. 6. Божа, будзь да нас ласкавы, / каб не горшыліся справы / дзеля Тваёй, Божа, славы. 7. Зменшы, просім, гнеў свой строгі, / каб мог чалавек убогі / стаць на святыя парогі. 8. Плач пачуй Свайго стварэння / і яму дай суцяшэнне — / Збаўцы чакаць нараджэння. 9. Божа, мы схіляем голаў, / Ты вазьмі нас, грэшных, з долу / у неба край, да Анелаў.
92. Дайце, нябёсы
Рэфрэн: Дайце, нябёсы, росы з вышыняў, / хмары, спашліце Бога Месію. 1. Гнеў справядлівы ўстрымай Свой, Ойча, /на Тваю літасць спадзявацца хочам. 2. Грэх нас знявечыў і ўсе людзі разам / прад Збаўцам свету нібы ў праказе. 3. Глянь на цяжкія нашых сэрцаў раны, / дай нам Таго, Хто мае быць спасланы. 4. Люду, суцешся, ды забудзь нядолю, / з путаў грахоўных выйдзеш ты на волю. 5. Дзверы адкрый нам вечнай ласкі, Божа, / дай жа нам Збаўцу, што грэх пераможа.
93. Для збаўлення чалавека
1. Для збаўлення чалавека, / а такі план быў спрадвеку,/ наша грэшнае падзенне /Бог змяняе на збаўленне. 2. Тройца так пакіравала, / каб грахі, а іх нямала, / змылі праз уцелаўленне, / справай Духа асвячэння. 3. Богам праз вякі абрану / Арханёл вітае Панну. / To паважная прычына: / стане Маці Бога-Сына. 4. Кажа Арханёл да Панны: / "Будзь, Марыя прывітана, / ласкі поўна, Бог заўсёды / выбавіць Цябе з нягоды. 5. Вось пачнеш Ты Сына-Творцу, / Ён магутны і бясконцы. /I народзіш Духа сілай, / станеш Богу гэтым мілай". 6. Дзева поўна неспакою, / чуе першы раз такое. / Волю Божую прымае / Панна чыстая, святая. 7. Гэта выслухала, устала / і пасланцу так сказала: / "Я слуга Яго, хай стане / так, як весціць прывітанне". 8. Вось адразу Дух сыходзіць, / асвячэнне надыходзіць. / Слова Бога целам стала, / хвіля радасці настала. 9. I ў навіне той прыемнай, / што сказаў Анёл таемна, / чутны веснікі збаўлення, / што прыйдзе праз Нараджэнне.
94. Ойча наш нябесны
Рэфрэн: Збаўца наш, мы Цябе чакаем. 1. Ойча наш нябесны, глянь на нас ласкава: / цемрай свет пакрыты, зло запанавала. / На зыходзе нашы сілы, не пакінь нас, Божа мілы. 2. Просіць люд бяздольны, грэшны і пакутны. / 3 цемры грэху звольні, Збаўца наш магутны. / Адхілі свой гнеў і кару ад нас, Божа-Валадару. Збаўца наш... 3. Хай слязьмі абмыем мы свае правіны. / Да Цябе ўсклікаем, Збаўца наш адзіны. / Дай нам слёзы ачышчэння і спашлі Тваё збаўленне. / Збаўца наш... 4. Хай святлом заззяе Збаўцы нараджэнне - / з краю і да краю людзям на збаўленне. / Твая ласка хай пальецца ў нашы сем'і, ў нашы сэрцы. / Збаўца наш...
95. Гэйнал разам заспявайма
1. Гэйнал разам заспявайма, / славу Пану Богу дайма, / усе набожна усклікайма. Моцны Божа, Пан з вышыняў, / Ты святлом Сваім учыніш, / што аковы пекла зрынеш. 2. Вось ужо і ноч мінула, / што свет Божы агарнула; / Божы кліч зямля пачула. Хрыстус Бога Сын Адзіны, / каб зняць нашыя правіны / прыйдзе з вечнае Айчыны. 3. Бог увесь свой люд у апеку / даў Яму як Чалавеку, / каб не згінулі да веку. Ён лагодна ўсіх прымае, / шлях жыццёвы асвятляе, / збаўчай ласкай адарае.
96. А пасля грахоўнага падзення
1. А пасля грахоўнага падзення / злітаваўся Пан усяго стварэння. / Арханёла шле для абвяшчэння. 2. "Да Марыі ў Назарэт спяшайся, / "Ласкі поўна!" — з Ёю прывітайся, — / Бог з Табою ў блаславёным часе." 3. Панна ў цішыні псалтыр чытала, / з Арханёлам Божым размаўляла, / над Святым Пісаннем разважала. 4. Арханёл той цнотай захапіўся / і з пакоры Панны Ён дзівіўся: / "Ты не бойся, Богу пакарыся. 5. Ты знайшла ў Творцы ласкаў многа, / будзеш называна Маці Бога / згодна з воляй Госпада Святога. 6. Сын Твой будзе Езусам названы / на збаўленне душаў людзкіх даны. / Ты прымі усё, Святая Панна". 7. Усё ж Марыі на душы трывожна: / "Як Тваю спазнаці волю, Божа? / Амэн", — так прамовіла прыгожа. 8. "Усё жыццё сваё таго жадала / і малітвы ў неба пасылала, / каб, як Ты прамовіў, так і стала". 9. Толькі словы гэтыя сказала / з Духа Сына Божага пачала, / мір і радасцьу сэрцы адчувала. 10. О, Святая Панна, дай нам сілы! / У радасці часы і ў дзень сумлівы / ўзглянь на нас, о Маці літасціва. 11. Просім, каб праз Матчына прашэнне / мелі мы правінаў прабачэнне, / у небе вечнаіснае збаўленне.
97. Да Марыі быў пасланы
1. Да Марыі быў пасланы Габрыэль, Анёле слаўны. 3 волі Тройцы Найсвяцейшай / кажа Дзеве Найчысцешай: "Будзь вітана, / ласкі поўна, Бог з Табою, бласлаўлёна". 2. Панну дужа падзівіла, / вестка, што пачута была. / Словы ў сэрцы разважае, / Божы сэнс у іх шукае. / Засмучоная з той мовы, / не азвалася ні словам. 3. Той Вястун святы з аблокаў, / поўны мудрасці высокай, / словы Ёй сказаў такія: / "He палохайся, Марыя! / 3 ласкі Божае прычыны / Ты народзіш Бога-Сына. 4. Будзе Езусам названы / Божы Сын ушанаваны, / "Ён Найбольшы" — скажа кожны, — / неабдымны ў свеце Божым, / Бога вечнага Сын вечны, / Збаўца свету — Бог спрадвечны." 5. "Як жа можа быць такое, — / кажа Панна ў непакоі, — / мужа я ж яшчэ не знала?" / Адказаў Анёл: "Так стала! / Сына Дух Святы падорыць, / ў чысціні дзявочай створыць." 6. Панна ў гэта верыць стала / і удзячна прамаўляла: / "Хай не зменіцца нічога, / Я служыць гатова Богу. / Калі гэтага Ён хоча, / будзе так, як Ты прарочыш!"
98. Вітай, Зорка вод глыбокіх
1. Вітай, Зорка вод глыбокіх - / Маці Бога з хмар высокіх. / Панна, будзь Благаслаўлёна - /Брама раю адамкнёна. 2. Ты Анёлам прывітана, / Маці Божай называна. / Адары спакоем з неба, / што згубіла Маці Ева. 3. Глянь на тых, што з гора плачуць. / Хай сляпыя свет убачаць. / A памылкі чалавека / адвядзе Твая апека. 4. Разарві грахоў аковы, / бачыць дай сляпым нанова. / Зло адрынь ад нас ліхое, / дай жыццё ў Хрысце святое. 5. Мы Табе ўдзячны, Панна, / што за нас бесперастанна / Сына моліш і ўпрашаеш / і да літасці схіляеш. 6. Сціпласць, цішыня, цярпенне / ў Ёй дастойны праслаўлення. / Дык прасі, каб нашы віны / Бог змяніў у добры чыны. 7. Просім, дай жыццё нам чыста, / каб мы мелі вечаісны / супакой і радасць з Богам — / ужо вышэй няма нічога. 8. Слава будзь Айцу й пашана, / Сыну Божаму таксама / і Святому Духу-Творцу / хай хвала гучыць бясконца.
99. Радуйся, Марыя
1. Радуйся, Марыя! Ты - нябёс Лілея, / Богам Ты абрана, о, Святая Панна! / Збаўцу свету нам дала, ласкі поўная была! 2. Габрыэль пасланы да Цябе, о Панна. / Весціць Ён навіну. З гэтае прычыны / ў радасці ўся зямля — заклік вечнага жыцця. 3. Слухаеш вітанне, ласкі прадказанне, / Ты ў хвалявані і ў разважанні. / І з пакораю тады славу не прымаеш Ты. 4. Ты не бойся болей, Госпад Бог з Табою, / вось зачнеш Ты Сына і народзіш дзіўна — / будзеш чыстаю заўжды, хоць і Маці станеш Ты. 5. Знішчыць грэх Адама той Месія слаўны. / На пасад узыйдзе слаўнага Давіда / і ў Якуба доме валадарства зойме! 6. Панна ў хваляванні і ў святым маўчанні. / Мы аб згодзе просім, мольбы ў неба ўзносім, / поўны радасці святой, што дае душы спакой. 7. Я слуга, хай стане, як у прывітанні / Мне распавядаў Ты і што абяцаў Ты. / Я шчаслівая ў вяках, што сказала Богу так! 8. Маці ўсіх сіротаў, прыстань для журботных, / немачных ратунак, грэшнікаў прытулак, / праз Тваё прашэнне прынясі збаўленне.
100. Veni Emmanuel
1. Veni, Veni Emmanuel, / captivum solve Israel, qui gemit in / exilio, privatus Dei Filio. Refren: Gaude, gaude: Emmanuel nascetur pro te, Israel. 2. Veni, o Sapientia / exolve nos amentia / disponens omne suaviter / attingens fines fortiter. Gaude, gaude... 3. Veni, veni, o Adonai, / qui populo in Sinai ? / legem dedisti vertice / in majestate gloriae. Gaude, gaude... 4.Veni, o Jesse Virgula; / ex hostis tuos ungula, / de specu tuos tartari / educ et antro barathri. Gaude, gaude... 5. Veni, Clavis Davidica; / regna reclude caelica; / fac iter tutum superum, / et claude vias inferum. Gaude, gaude... 6. Veni, veni, o Oriens; / solare nos adveniens; / noctis depelle nebulas / dirasque noctis tenebras. Gaude, gaude... 7. Veni, veni, Rex gentium / desiderate omnium / te angulari lapide / salvemur juncti solide. Gaude, gaude...
Прыйдзі, прыйдзі, Эммануэль
1. Прыйдзі, прыйдзі, Эммануэль, / з няволі вызваль Ізраэль. У зямным выгнанні / стогне Ён, чакае Бога - Сына / дзён. Хвала, хвала! Эмануэль прыходзіць збавіць Ізраэль 2. Прыйдзі, крыніца мудрасці, / пазбаў жа нас ад пошасці. / Лагодна ўсім кіруеш Ты, / бязмежны Творца, Бог Святы. Рэфрэн: Хвала, хвала!.... 3. Прыйдзі, прыйдзі, о Аданай, / Закон з Сіная верным дай. / Цябе ў віхуры люд спазнаў / і веліч славы адчуваў. Хвала, хвала!... 4. Эсея парастак, прыйдзі, / народ з няволі выведзі. / 3 праддоння пекла, з д'ябла рук, / Ты, Божа, вызваль верных слуг. Хвала, хвала!... 5. О, Ключ Давіда, адчыні / нябёсаў брамы ў вышыні. / Прамым чыні да неба шлях / і зачыні пякельны страх. Хвала, хвала!... 6. Прыйдзі, прыйдзі, о наш Усход, / суцеш Ты наш зямны паход. / Начную цемру прагані, / хай зло не зводзіць ва ўсе дні. Хвала, хвала!... 7. Народаў Валадар, прыйдзі, / бо па Табе сумуем мы. / Усе станем збаўлены Хрыстом, / бо вуглавы наш камень Ён. Хвала, хвала!...
101. Божы Арханёл
1.Божы Арханёл Габрыэль Святы / абвясціў Прачыстай Дзеве: / «Ты народзіш Сына Божага, / Езус будзе імя Яго." 2. "Бога я слуга, а жыццё' маё / прыналежыць волі Творцы, / хай спрадвечна воля споўніцца / як Табою абвешчана". 3. Стаўся Ён дзіцём, хоць і Богам быў, / у святым улонні Дзевы. / I збаўлення радасць нам адкрыў / вечны Бог, добры Збаўца наш. |